unicorn

Poetry

| home | soutar | friends | links | contact |

Greyfriars Headstone

Decorated headstone in Greyfriars churchyard.

Epitaph for a Dead Self

Lie doun, lie doun, and wauk nae mair
My first, my fondest bairn:
Your life has brocht me monie a care
But noo I'm yont a' carin.
Bitter it was to lat ye gang
Wha were sae young and dear;
But I had wrocht us baith a wrang
To hain ye back in fear.

Your halflin strength had been foredüne
Wi' fraucht for manhood's frame:
But sturdier sons, ye winna ken,
Will warsle in your name.
Nae loss can mak us mair forfairn
Nor the love we brank to bide:
Lie doun, lie doun, my earliest bairn;
It's weel that you are dead.

Please note there is no audio for this poem.

Glossary

doun - down; wauk - wake; mair - more; brocht - brought; monie - many;
yont - past; gang - go; wrocht - done; baith - both; wrang - wrong;
hain - hold; halflin - youthful; foredüne - exhausted; fraucht - weight; ken - know;
warsle - wrestle; forfairn - forlorn; nor - than; brank - bottle up; bide - live.

Most poems on the site have audio. Please click the play button if you want to hear a recording.
The audio window will open left centre of the page so you can read the words while listening to the recording.
You can scroll the page independently of the audio window if it overlaps any of the words.
The audio replays automatically, so please remember to close the window when you are finished.