unicorn

Poetry

| home | soutar | friends | links | contact |

Curfew Row

Curfew Row, Perth.

The Auld House

There's a puckle lairds in the auld house
Wha haud the wa's thegither:
There's no muckle graith in the auld house
Nor smeddum aither.
It was aince a braw and bauld house
And guid for ony weather:
Kings and lords thrang'd in the auld house
Or it gaed a' smither.

There were kings and lords in the auld house
And birds o' monie a feather:
There were sangs and swords in the auld house
That rattled ain anither.
It was aince a braw and bauld house
And guid for ony weather:
But it's noo a scrunted and cauld house
Whaur lairdies foregather.

Let's ca' in the folk to the auld house
The puir folk a' thegither:
It's sunkit on rock is the auld house
And the rock's their brither.
It was aince a braw and bauld house
And guid for ony weather:
But the folk maun funder the auld house
And bigg up anither.

Please note there is no audio for this poem.

Glossary

puckle - a few; lairds - lords; haud - hold; wa's - walls; thegither - together;
muckle - much; graith - furnishings; smeddum - spirit; guid - good; thrang'd - thronged;
or - until; gaed - went; smither - broken; braw - fine; bauld - strong;
scrunted - worn down; lairdies - lordlings; ca' - call; puir - poor; sunkit - sunk;
maun - must; funder - demolish; bigg - build.

Most poems on the site have audio. Please click the play button if you want to hear a recording.
The audio window will open left centre of the page so you can read the words while listening to the recording.
You can scroll the page independently of the audio window if it overlaps any of the words.
The audio replays automatically, so please remember to close the window when you are finished.