Bridge at the entrance to Buckie Braes.
| introduction | life | poetry | bibliography |
Read and listen to selected poems
The Buckie Braes
 |
It isna far frae our toun Be onie gait that gaes; It isna far frae our toun To gang to the Buckie Braes; Whaur the wee linn lowps the craigies And whaur the cushats croun; And the happers in the growthy grass Are diddlin owre their tune; Wi' a chickie-chick-chickerie, Dickie-dick-dickerie, Tickie-tick-tickerie, Jiggety-jig. |
Monie a bairn frae our toun In the canty simmer-days; Monie a bairn frae our toun Haiks up to the Buckie Braes, Whaur the birk links in wi' the rodden And the burnie rinnles doun; And the happers in the growthy grass Are diddlin owre their tune; Wi' a chickie-chick-chickerie, Dickie-dick-dickerie, Tickie-tick-tickerie, Jiggety-jig. |
Glossary
| Be onie gait - by any road; | linn - waterfall; | lowps - leap; | craigies - rocks; |
| cushats - wood pigeons; | croun - sing; | happers - grasshoppers; | growthy - luxuriant; |
| diddlin - keeping time; | canty - pleasant; | haiks - hikes; | birk - birch; |
| rodden - rowan; | burnie - brook; | rinnles - trickles. |
Most poems on the site have audio. Please click the play button if you want to hear a recording.